សមាគមអាស៊ាន បែកជា ២ ក្រុម ទាក់ទងប្រទេសចិន និងសហរដ្ឋអាមេរិក ៊ ASEAN splits into 2 groups with regard to China and the US

ចែករំលែក ៖​

២៧ ឧសភា ២០២២ / 27 May 2022

សមាគមអាស៊ាន បែកជា ២ ក្រុម ទាក់ទងប្រទេសចិន និងសហរដ្ឋអាមេរិក

ASEAN splits into 2 groups with regard to China and the US

កិច្ចប្រជុំកំពូលអន្តរជាតិ នៅទីក្រុងតូក្យូ ប្រទេសជប៉ុន កាលពីដើមសប្តាហ៍នេះ បានបង្ហាញឲ្យឃើញថា សមាគមអាស៊ាន (ASEAN) ដែលមានសមាជិក ១០ ប្រទេស បានបែកជា ២ ក្រុម ទាក់ទងប្រទេសចិន និងសហរដ្ឋអាមេរិក។ ក្រុមទី១ ដែលគាំទ្រនយោបាយវាតទីនិយម និងឈ្លានពានគេឯង របស់ចិន មានប្រទេសភូមា ប្រទេសកម្ពុជា និងប្រទេសឡាវ។ ក្រុមទី២ ដែលប្រឆាំងនយោបាយចិន ហើយដែលមានការគាំទ្រពីសហរដ្ឋអាមេរិក មានប្រទេសឥណ្ឌូនេស៊ី ប្រទេសម៉ាឡេស៊ី ប្រទេសព្រុយណេ ប្រទេសហ្វីលីពីន ប្រទេសសឹង្ហបុរី ប្រទេសថៃ និងប្រទេសវៀតណាម។ ក្នុងតំបន់អាស៊ីប៉ាស៊ីហ្វិក មានប្រទេសមួយចំនួនទៀត ដែលប្រមូលផ្តុំគ្នា ដើម្បីតទល់នយោបាយឈ្លានពានរបស់ចិន ក្នុងនោះមានប្រទេសជប៉ុន ប្រទេសកូរ៉េខាងត្បូង ប្រទេសអូស្ត្រាលី ប្រទេសញូហ្សេលែន និងប្រទេសឥណ្ឌា។

របប ហ៊ុន សែន ខុសធ្ងន់ណាស់ ដែលនាំប្រទេសកម្ពុជា ឲ្យនៅក្នុងបក្សសម្ព័ន្ធ ដឹកនាំដោយប្រទេសចិន។

-ក្នុងវិស័យសន្តិភាព សន្តិសុខ និងស្ថេរភាពក្នុងតំបន់យើង ការចូលដៃជាមួយចិននេះ ជាកត្តាមួយ ដែលនាំមកនូវគ្រោះថ្នាក់គួរឲ្យបារម្ភ។

-ក្នុងវិស័យសេដ្ឋកិច្ច ការចូលដៃជាមួយចិននេះ ធ្វើឲ្យប្រទេសកម្ពុជា ទទួលការបង់ខាតដ៏ធ្ងន់ធ្ងរ បើនិយាយពីចរន្តសេដ្ឋកិច្ច និងឧស្សាហកម្ម ដែលកំពុងតែធ្វើឲ្យសហរដ្ឋអាមេរិក ដកខ្លួនចេញពីប្រទេសចិន ជាបណ្តើរៗ។ ក្រុមហ៊ុនសហរដ្ឋអាមេរិក ដែលដកខ្លួនចេញពីប្រទេសចិន បានផ្ទេររោងចក្រដែលប្រើបច្ចេកវិទ្យាខ្ពស់ ទៅបោះទីតាំងរបស់ខ្លួន នៅប្រទេសជិតខាង ដូចជាប្រទេសវៀតណាមជាដើម។ ឧទាហរណ៍ ៖ ប្រទេសវៀតណាម នេះ បានចាប់ផ្តើមផលិតទូរស័ព្ទដៃ IPhone របស់ក្រុមហ៊ុនអាមេរិកាំង Apple រាប់លានគ្រឿងរួចមកហើយ។ មានរោងចក្រ អេឡិចត្រូនិចដទៃទៀត រោងចក្រគ្រឿនយន្តទំនើប ព្រមទាំងរោងចក្រថ្នាំពេទ្យរបស់សហរដ្ឋអាមេរិក និងប្រទេសសេរីផ្សេងៗទៀត ដែលបាន និងកំពុង ផ្ទេរចេញពីប្រទេសចិន មកប្រទេសវៀតណាម ដែលជាហេតុធ្វើឲ្យសេដ្ឋកិច្ចប្រទេសវៀតណាម មានការរីកចម្រើនយ៉ាងខ្លាំង ហើយធ្វើឲ្យពលរដ្ឋវៀតណាម មានការងារធ្វើក្នុងជំនាញខ្ពស់ ហើយទទួលបានប្រាក់ខែក៏ខ្ពស់ដែរ។ តែក្រោមរបប ហ៊ុន សែន ប្រទេសកម្ពុជា ទទួលបានតែបនល្បែងស៊ីសង (Casinos) ពីប្រទេសចិន ដែលជាការបំផ្លាញសេដ្ឋកិច្ច និងសង្គមខ្មែរ។

 

ព័ត៌មានថ្មីបំផុត
លទ្ធផល នៃការបោះឆ្នោត ប្រកាសដោយ គ.ជ.ប. និងគណបក្សប្រជាជនកម្ពុជា មិនអាចយកជាការ បានទេ / Sam Rainsy rejects election results proclaimed by NEC (*)
ការបង្ក្រាបកាន់តែសាហាវ មកលើគណបក្សប្រឆាំង បង្ហាញពីភាពទន់ខ្សោយរបស់ ហ៊ុន សែន ក្រោយពីការបោះឆ្នោតឃុំ-សង្កាត់ / Cambodia’s Hun Sen Shows His Weakness With Post-election Repression
ហ៊ុន សែន បញ្ចុះអាយុ ដើម្បីក្រាញអំណាចបានមួយឆ្នាំទៀត / Hun Sen changes his date of birth to appear younger and stay longer in power.
ប៊ុន រ៉ានី ហ៊ុន សែន ជាអ្នកបញ្ជា ឲ្យគេសម្លាប់ ពិសិដ្ឋ ពីលិកា ក្នុងឆ្នាំ ១៩៩៩ / Hun Sen's wife, murderer Bun Rany presides over Cambodia's Bloody Red Cross
ការបោះឆ្នោតឃុំ-សង្កាត់ ថ្ងៃ ៥ មិថុនា បានបញ្ចប់ប្រព័ន្ធបក្សតែមួយ នៅកម្ពុជា / Cambodia’s Local Elections Have Ended Hun Sen’s One-Party System / Les élections locales du 5 juin ont mis fin au système de parti unique au Cambodge
Flag Counter