SAM Rainsyសហស្ថាបនិកគណបក្សសង្គ្រោះជាតិ

ថ្ងៃណា ហ៊ុន សែន ចុះចេញពីតំណែង ជានាយករដ្ឋមន្ត្រី គាត់នឹងបាត់បង់អភ័យឯកសិទ្ធិការទូតនិងតុលាការ ភ្លាមមួយរំពេច ហើយគាត់នឹងប្រឈមតុលាការបារាំង ដែលនឹងកោះហៅគាត់ ទៅសួរចម្លើយ ឆ្ពោះទៅការកាត់ទោស / After his stepping down later this year Hun Sen could be prosecuted before the French court.

ចែករំលែក ៖​

០១ មិថុនា ២០២៣ / 01 June 2023 

ថ្ងៃណា ហ៊ុន សែន ចុះចេញពីតំណែង ជានាយករដ្ឋមន្ត្រី គាត់នឹងបាត់បង់អភ័យឯកសិទ្ធិការទូតនិងតុលាការ ភ្លាមមួយរំពេច ហើយគាត់នឹងប្រឈមតុលាការបារាំង ដែលនឹងកោះហៅគាត់ ទៅសួរចម្លើយ ឆ្ពោះទៅការកាត់ទោស ដោយសារតែគាត់ជាអ្នកទទួលខុសត្រូវធំជាងគេបង្អស់ ក្នុងអំពើភេរវកម្មគប់គ្រាប់បែក សម្លាប់មនុស្ស នៅទីក្រុងភ្នំពេញ កាលពីថ្ងៃ ៣០ មីនា ១៩៩៧។

ក្រោយពីគាត់បាត់បង់អភ័យឯកសិទ្ធិការទូត និងតុលាការ ហ៊ុន សែន នឹងត្រូវប៉ូលីសអន្តរជាតិ (Interpol) ចាប់ខ្លួន ពេលណាគាត់ឈានជើងចេញទៅបរទេស។ ប៉ូលីសអន្តរជាតិ (Interpol) នេះ សហការជាមួយតុលាការ នៃប្រទេសដែលកាន់លទ្ធិប្រជាធិបតេយ្យ ដូចជាប្រទេសបារាំង។ ហ៊ុន សែន រួចខ្លួន ត្រឹមតែនៅប្រទេសកុម្មុយនីស្ត ដូចជាប្រទេសចិន និងប្រទេសវៀតណាម។