SAM Rainsyសហស្ថាបនិកគណបក្សសង្គ្រោះជាតិ

ខួបទី ២៦ នៃរដ្ឋប្រហារបង្ហូរឈាម ធ្វើឡើងដោយ ហ៊ុន សែន កាលពីថ្ងៃ ៥-៦ កក្កដា ១៩៩៧

ចែករំលែក ៖​

០៥ កក្កដា ២០២៣ / 05 July 2023

ថ្ងៃនេះ ជាខួបទី ២៦ នៃរដ្ឋប្រហារបង្ហូរឈាម ធ្វើឡើងដោយ ហ៊ុន សែន កាលពីថ្ងៃ ៥-៦ កក្កដា ១៩៩៧។ ក្នុងឱកាសរដ្ឋប្រហារនេះ ហ៊ុនសែន បានបញ្ជាឲ្យបក្ខពួកគាត់ សម្លាប់នាយទាហាន ហ្វ៊ុនស៊ីនប៉ិច រាប់រយនាក់។

ហ៊ុន សែន ធ្វើអ្វីៗតាមតែការនឹកឃើញ និងការភ័យខ្លាចរបស់គាត់ ពីព្រោះគាត់ដឹងថា មានគេស្អប់គាត់ច្រើន ដោយសារអំពើអាក្រក់របស់គាត់ រាប់សិបឆ្នាំមកហើយ។

៤-១០ ថ្ងៃមុននេះ គាត់បានយល់សប្តិថា សត្រូវគាត់ប្រើយន្តហោះគ្មានមនុស្សបើក (Drone ឬ ដ្រូន) ដើម្បីប៉ុនប៉ងសម្លាប់គាត់។ ដូច្នេះហើយបានជាគាត់បញ្ជាឲ្យអង្គរក្សគាត់រាប់រយនាក់ ដឹកនាំដោយ ហ៊ីង ប៊ុនហៀង ទៅតាមបាញ់ដ្រូន នៅភូមិភាគឦសាន នៃប្រទេសកម្ពុជា ជាពិសេស នៅខេត្តរតនៈគីរី។

តាមការពិត មិនដែលមានដ្រូនណាបានហោះហើរទាល់តែសោះ លើដែនអាកាស ប្រទេសកម្ពុជា ដូចអ្វីដែលគាត់អះអាង។ នេះជាការយល់សប្តិសុទ្ធសាធរបស់មនុស្សម្នាក់ ដែលវិកលចរិត។